Жогорку Кеңештин депутатынын бош мандаты болгонуна байланыштуу “Кыргызстан” саясий партиясынан талапкерлердин тизмесинде кийинки болуп турган Эсенаманов Замирбек Садыбакасович КР Жогорку Кеңешинин шайланган депутаты деп таанылды.

Жогорку Кеңештин депутатынын бош мандатын өткөрүп берүү жөнүндө токтом 9-июнда КР Шайлоо жана референдум өткөрүү боюнча борбордук комиссиясынын жыйналышында кабыл алынды.

З. Эсенаманов КР Жогорку Кеңешинин депутаты болуп катталды, ага белгиленген үлгүдөгү күбөлүк жана төш белги тапшырылды.