Бүгүн, 2011-жылдын 27-декабрында  кезектеги жыйынында Кыргыз Республикасынын Шайлоо жана референдум өткөрүү боюнча борбордук комиссиясы Кыргыз Республикасынын жергиликтүү кеңештеринин депутаттарын шайлоолорду даярдоо жана өткөрүү боюнча негизги уюштуруу –практикалык иш-чаралардын Календардык планын бекитти. Ага ылайык Ош, Токмок, Каракол  шаардык жана Баткен обласынын Лейлек районунун Маргун, Бешкент, Жалал-Абад обласынын Тогуз-Торо районунун Көк-Ирим, Атай, Нарын обласынын Ак-Талаа районунун Баетов, Терек, Көнөрчөк, Жерге-Тал, Жумгал районунун Куйручук, Түгөл-Сай, Таш-Төбө, Чаек, Кызыл-Жылдыз  айылдык кеңештерине депутаттарды шайлоого даярдык жүрүүдө.

Ошондой эле Кыргыз Республикасынын Кара-Балта, Кочкор-Ата, Чолпон-Ата жана Балыкчы шаарларынын мэрлерин шайлоо 2011-жылдын 20-январына белгиленди.

Кыргыз Республикасынын жергиликтүү өз алдынча башкаруусунун аткаруучу органдарынын – айыл өкмөттөрүнүн башчыларын шайлоону дайындоо жөнүндө Шайлоо жана референдум өткөрүү боюнча борбордук комиссиясынын чечимине ылайык Нарын обласынын Кочкор районунун Сары-Булак, Нарын районунун Орток, Баткен обласынын Лейлек районунун Ак-Суу, Баткен районунун Кара-Бак, Дара,  Жалал-Абад обласынын Тогуз-Торо, Ош обласынын Кара-Суу районунун Жоош, Алай районунун Алай, өзгөн районунун Төрт-Көл, Баш-Дөбө, Чуй обласынын Сокулук районунун Ново-Павловка, Ысык-Ата районунун Юрьевка, Жайыл районунун Сары-Булак, Ысык-Көл обласынын Түп, Талас обласынын Талас районунун А.Нуржанов, Бакай-Ата районунун Ак-Дөбө айыл өкмөт башчыларын шайлоо 2011-жылдын 20-январына белгиленди.

Ушул эле жыйынды “Айыл өкмөтүнүн башчысын шайлоонун тартиби жөнүндө”, “Шаардын мэрин шайлоонун тартиби жөнүндө” жоболор бекитилди.

2011-жылдын 30-октябрындагы Кыргыз Республикасынын Президентин шайлоону даярдоого жана өткөрүүгө аймактык шайлоо комиссияларына бөлүнгөн акча каражаттарын максаттуу пайдаланууну текшерүүнүн натыйжалары жөнүндө Кыргыз Республикасынын Шайлоо жана референдум өткөрүү боюнча борбордук комиссиясына караштуу контролдук-текшерүү тобунун жетекчиси А.Асаналиевдин маалыматы айтылды. Республика боюнча түзүлгөн 58 аймактык шайлоо комиссиясына президентик шайлоону өткөрүүгө мамлекеттик казынадан 105 миллион 120 мин сом бөлүнгөн. Бул каражаттын 5 миллион 112 мин сому үнөмдөлүп Каржы мнистрлигинин Борбордук казынасынын эсебинде тургандыгы айтылды.

Ошондой эле БШКга караштуу түзүлгөн жумушчу топтордун жетекчилеринин отчеттору тапшырылып бекитилди.