Бүгүн, 2018-жылдын 29-январында КР БШКнын төрагасынын орун басары А.Бекматовдун катышуусунда маалымат брифинги болуп өттү. Маалымат брифингинде А.Бекматов журналисттерди 2018-жылдын 28-январында өткөрүлгөн кээ бир жергиликтүү кеңештерге шайлоолордун алгачкы жыйынтыктары менен тааныштырды. Шайлоолор 11 жергиликтүү кеңештерде болуп өттү, алардын экөө шаардык кеңештер жана тогузу айылдык кеңештер.
Алгачкы жыйынтыктар боюнча Жалал-Абад облусунун Таш-Көмүр шаардык кеңешинде (31 мандат) саясий партиялар төмөнкүдөй добуштарга ээ болду:
1. “Улуу көч” саясий партиясы 683 добуш, 6,47 %;
2. “КСДП” саясий партиясы 2 608 добуш, 24,69% (9 мандат);
3. “Бүтүн Кыргызстан” саясий партиясы 359 добуш, 3,40%;
4. “Өнүгүү-Прогресс” саясий партиясы 1 097 добуш, 10,39% (4 мандат);
5. “Мекеним Кыргызстан” саясий партиясы 3 202 добуш, 30,32 % (10 мандат);
6. “Таш-Көмүр жаштары” саясий партиясы 1186 добуш, 11,23% (4 мандат);
7. “Ата-Журт мекенчил партиясы” 1294 добуш, 12,25% (4 мандат)
Чүй облусунун Жайыл районундагы Кара-Балта шаардык кеңешинде (31 мандат) саясий партиялар төмөнкүдөй добуштарга ээ болду:
1. “Кыргызстан элдеринин шериктештиги” саясий партиясы 304 добуш, 2,06 %;
2. “КСДП” саясий партиясы 4 854 добуш, 32,97% (12 мандат);
3. “Республика” саясий партиясы 531 добуш, 3,61%;
4. “Мекеним Кыргызстан” саясий партиясы 2 910 добуш, 19,77% (7 мандат);
5. “Эл Аман” саясий партиясы 3 074 добуш, 20,88% (7 мандат);
6. “Жакшылык-Добро” саясий партиясы 73 добуш, 0,50%
7. “Элдик-Народная” саясий партиясы 2 305 добуш, 15,66% (5 мандат);
8. “Өнүгүү-Прогресс” саясий партиясы 376 добуш, 2,55%.
Кыргыз Республикасындагы айылдык кеңештердин депутаттарын шайлоонун алгачкы жыйынтыгы чыгарылды. Ошентип:
- Жалал-Абад облусу боюнча: Аксы районундагы Кара-Жыгач айылдык кеңешине 21 депутат шайланды;
- Чүй облусу боюнча:
Кемин районундагы Кара-Булак айылдык кеңешине11 депутат шайланды,
Кемин районундагы Көк-Ойрок айылдык кеңешине 11 депутат шайланды,
Москва районундагы Александровка айылдык кеңешине 21 депутат шайланды,
Кемин районундагы Жаңы-Алыш айылдык кеңешине 11 депутат шайланды;
- Нарын облусу боюнча:
Ак-Талаа районундагы Тоголок-Молдо айылдык кеңешине 11 депутат шайланды;
- Ош облусу боюнча:
Кара-Суу районундагы Ак-Таш айылдык кеңешине 21 депутат шайланды,
Араван районундагы С.Юсупова айылдык кеңешине 31 депутат шайланды;
- Ысык-Көл облусу:
Тоң районундагы Кажы-Сай айылдык кеңешине 11 депутат шайланды.
Шайлоочулардын тизмелери КРнын Мамлекеттик каттоо кызматы менен биргеликте такталды жана шайлоочулардын акыркы тизмесине 87 132 шайлоочу киргизилди.
Журналисттердин суроолоруна жооп берип жатып, А.Бекматов брифингдин катышуучуларына шайлоолор тынч абалда өткөндүгүн, азыр жана даттануулар катталбагандыгын билдирип, жарандардын активдүүлүгү өсүп жаткандыгын белгиледи. Жергиликтүү кеңештердин депутаттарын шайлоого саясий партиялардын, талапкерлердин, коомдук уюмдардын байкоочуларынан сырткары Кыргызстандагы Кореянын эл аралык кызматташтык агенттигинен (KOICA) жана Европа Биримдигинин Кыргызстандагы өкүлчүлүгүнөн эл аралык байкоочулар катышты.
КР БШКнын аппаратынын маалымат бөлүмү
