Бишкекке КМШ аткаруу комитетинин байкоочулар Миссиясынын ишмердигин камсыз кылуу бөлүмүнүн начальниги Евгений Слобода  келди. 
Бүгүн Борборшайлоокомдо Е.Слобода КР БШКнын төрагасы Н. Шайлдабекова менен жолукту. 
Тараптар 2017-жылдын 15-октябрында өтүүчү Кыргыз Республикасынын Президентин шайлоодо Миссия Штабынын ишмердигине байланышкан маселелерди талкуулашты. 
Миссия Штабынан расмий өкүлү Е.А. Слобода эл аралык байкоочу катары мониторинг кылууга чакыргандыгы үчүн  Н.Шайлдабековага ыраазычылык билдирип, ошондой эле КМШ Штабыныын Миссиясы 20-сентябрдан баштап, алдыдагы мамлекет башчысын шайлоодо байкоочулук кылуу иштеринде Миссия өзүнүн ишмердигин  Кыргыз Республикасынын шайлоо мыйзамдарынын чегинде жүргүзөөрүн билдирди. 
Е.Слобода бүгүнкү технологияны колдонуу менен шайлоо жыйынтыгын бурмалоону жокко чыгарган, Кыргызстандагы шайлоо системасындагы ишке ашып жаткан реформага жогору баа берди.
Ошондой эле республика боюнча АШК менен УШКнын бири бирине шайкеш  келген  иштери белгиленди:борбордон баштап алыскы айылдарда коюлган АСУ боюнча добуш берүү отчету (автоматтык эсептөө урнасы) Борборшайлоокомдун борбордук серверине саналуу мүнөттөн кийин гана түшөт жана шайлоочулар добуш берүүнүн жыйынтыгы менен түз эфирде тааныша алышат.
 КМШдагы Миссия Штабынын өкүлү Евгений Александрович, Борборшайлоокомдун жаңыланган интернет-порталынан ченемдик-укук актыларын жана мамлекеттик органдардын чечимдерине ыкчам кирүүгө мүмкүнчүлүк бар  белгиледи.   
Ошондой эле Миссиянын Штабы менен Кыргыз республикасынын Президентин шайлоого байкоочулук жүргүзүү менен, КМШ Миссиясынын Штабы ишмердүүлүк жүргүзгөн республиканын тышкаркы жерлериндеги шайлоо участкаларында да бакйоочулук кылууга  алдын ала келишим түзүүгө жетишилди. 
КМШ Миссиясынын Штабы  Кыргызстандагы ишмердигин 20-сентябрдан баштап жүргүзөт, алардан 200гө жакын байкоочулардын келиши күтүлүүдө. 
Өздөрүнүн милдеттерин аткарууга, улуттук мыйзамдын  алкагында  Миссияга  тийиштүү  жардамдар берилет. 
 

КР БШК аппаратынын маалыматтык бөлүмү