Бүгүн, 2017-жылдын 30-майында  КР БШК  Кыргызстан социал-демократиялык партиясынын  ыйгарым укуктуу өкүлү  Ж. Н. Эрназаровдун кайрылуусун карады.

Кайрылууда, Жалал-Абад АШКсы Бишкекте жашагандыгы тууралуу каттоосу бар Т. К. Исмановду Өнүгүү-Прогресс” партиясынан Жалал-Абад шаардык кеңешине талапкер катары каттап, шайлоо мыйзамынын ченемдерин бузгандыгы  айтылат.

Андан ары, 2017-жылдын 24-майында жогорудагы бузуулар боюнча Жалал-Абад АШКсына кайрылуудан кийин,   “Өнүгүү-Прогресс” саясий партиясы  Жалал-Абад АШКсына кайрылып, Т. К. Исмановду талапкерлердин тизмесинен чыгаруу тууралуу 2017-жылдын 18-майында катталды делген арыз бергени белгиленет.

КР БШК КСДПнын ыйгарым укуктуу өкүлүнүн даттануусундагы “Өнүгүү-Прогресс” саясий партиясынан талапкер Т. К. Исмановдун  документтерин кабыл алууда Жалал-Абад АШКсы шайлоо мыйзамын бузган бөлүгүн канааттандырган чечим кабыл алды.

Жалал-Абад аймактык шайлоо комиссиясына төрага Б.М. Турдубаеванын жана  Жалал-Абад АШКсы талапкерлерден  документтерди кабыл алуу боюнча жумушчу тобунун мүчөлөрүнүн жоопкерчилигин  кароо сунушталды.

БШК Аппаратынын маалыматтык  бөлүмү