7-декабрда Кыргыз Республикасынын шайлоо жана референдум өткөрүү боюнча борбордук шайлоо комиссиясынын төрагасыН. ШайлдабековаШайлоо органдарынын бүткүл дүйнөлүк ассоциациясынын (ШОБА) Башкы катчысыКим Енг Хи мырза башчылык кылган шайлоого байкоо жүргүзүү боюнча миссиясынын өкүлдөрү менен жолугушту.

Жолугушуунун жүрүшүндө БШКнын төрагасы Н. Шайлдабековамеймандарды жергиликтүү кеңештерге шайлоого жана референдумга даярдыктын алкагындаКР БШК жүргүзүп жаткан иштер, өлкөнүн шайлоо тутумун жакшыртуу ыкмалары менен тааныштырды.

БШК башчысы шайлоо тутумун оптималдаштырууда жана шайлоону өткөрүүдө колдоо көрсөтүүгө даяр экендиктери үчүн делегацияга ыраазычылыгын билдирди. “Кыргызстаншайлоо процессин жакшыртуунун белгилүү бир этабында турат, биз аны мындан ары дагы өркүндөтүүгө даярбыз.

Биз шайлоо процессине киргизген модель бизге парламенттик шайлоону ачык-айкын өткөрүүгө мүмкүндүк берди, өткөн жылдагы шайлоо анча олуттуу эмес каталар менен, бирок ийгиликтүү өттү. Ал каталар талданып, көпчүлүгү четтетилди”, деп айтты Н. Шайлдабекова. Өз кезегинде ШОБАнын Башкы катчысы Ким Енг Хи Кыргызстандын шайлоо институттары кошуна өлкөлөрдүкүнөн айырмаланарын баса белгиледи.

“Өзбекстандагы президенттик шайлоодо мен карапайым эл өкмөттүн сөзүн угарын байкадым, силерде шайлоо тутуму такыр башкача экен, коомдук уюмдар абдан көп жана күчтүү оппозициялык база бар экен. Ушулардын баарын эске алып, биз силердин шайлоого даярдануудагы күч-аракеттериңерди жогору баалайбыз”, деди Ким Енг Хи.

Ошону менен бирге, маалыматтык-коммуникациялык технологияларды (МКТ) киргизүүнүн негизги максаты –шайлоонун ачык-айкындуулугун, калктын шайлоого катышуусунун жогорку деңгээлин камсыздоо, жана, албетте, элдин шайлоо процессине ишенимин арттыруу. Баары добуш берүү күнү чечилет.

“МКТны башка чөйрөлөрдө пайдаланганда, каталарды оңдосо болот, бирок шайлоо – бул мүмкүн болушунча жогорку даражадагы тактык жана ачык-айкындуулук абдан маанилүү тармак. Ошондуктан шайлоо процессин компьютерлештирүү же МКТны пайдалануу - зарылдык”, деп билдирдиБашкы катчы. Андан ары Ким Енг Хи Кыргызстандын шайлоо процессин жакшыртууга умтулуусунун натыйжасында 2015-жылдагы парламенттик шайлоо ийгиликтүү өткөнүн баса белгиледи. Жолугушуунун соңунда БШКнын башчысы Кыргызстан иденттештирүү процессин жана добуштарды автоматтык түрдө эсептөөнү киргизүүдө чоң иштерди аткарганын жана шайлоо тутумун мындан ары дагы өркүндөтүүгө даяр экенин белгиледи.

КР БШК басма сөз кызматы