Кыргыз Республикасынын Шайлоо жана референдум өткөрүү боюнча борбордук комиссиясы “Мамлекеттик жарандык кызмат жана муниципалдык кызмат жөнүндө” Кыргыз Республикасынын Мыйзамына ылайык, ички кадрлар резервинде турган бош административдик мамлекеттик кызмат орундарын ээлөөгө конкурс жарыялайт
Бардык административдик мамлекеттик жарандык кызмат орундарына карата коюлган жалпы квалификациялык талаптар:
Кенже административдик мамлекеттик кызмат орундары үчүн:
1. Билүүсү керек:
1) Кыргыз Республикасынын Конституциясын;
2) “Мамлекеттик жарандык кызмат жана муниципалдык кызмат жөнүндө” Кыргыз Республикасынын Мыйзамын;
3) Мамлекеттик жарандык кызмат жана муниципалдык кызмат боюнча кеңеш 2016-жылдын 19-августунда бекиткен №43 “Мамлекеттик жарандык кызматчынын жана муниципалдык кызматчынын Этика кодексин”.
- кызматтык милдеттерди аткаруу үчүн зарыл болгон көлөмдө мамлекеттик жана расмий тилдерди билүү;
- компьютердик жана уюштуруу техниканы, зарыл болгон программалык продуктуларды колдоно билүү.
Маалыматтык бөлүмү
Жетектөөчү адис - 1 (орун), (К-А):
1. Кесиптик билиминин деңгээли:
- ар кандай профилдеги жогорку кесиптик билим. Журналистика жана PR профилиндеги жогорку кесиптик билими барлар артыкчылыктуу болуп саналат.
2. Иш стажы жана тажрыйбасы:
- иш стажына талаптар коюлбайт.
3. Кесиптик компетенциясы:
Билүүсү керек:
-“Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө”, “Кыргыз Республикасынын референдуму жөнүндө” Кыргыз Республикасынын конституциялык мыйзамдарын;
-“Кыргыз Республикасынын шайлоо жана референдум өткөрүү боюнча шайлоо комиссиялары жөнүндө”, “Жергиликтүү кеңештердин депутаттарын шайлоо жөнүндө”, “Жергиликтүү өз алдынча башкаруу жөнүндө”, “Кыргыз Республикасынын Жогорку Кеңешинин депутатынын статусу жөнүндө”, “Жергиликтүү кеңештердин депутаттарынын статусу жөнүндө” Кыргыз Республикасынын Мыйзамдарын.
-Кыргыз Республикасынын Шайлоо жана референдум боюнча борбордук комиссиясынын 2011-жылдын 13-июлундагы №16 токтому менен бекитилген Кыргыз Республикасынын Шайлоо жана референдум өткөрүү боюнча борбордук комиссиясынын Регламентин.
Билгичтиктери:
-жогору турган жетекчилердин тапшырмаларын сапаттуу аткаруу;
-документтерди, маалыматтарды, суроо-талаптарга жоопторду сапаттуу даярдоо;
-тиешелүү чөйрөдөгү ата мекендик жана чет өлкөлүк тажрыйбаны талдоо жана аны тажрыйбада колдонуу;
-кызматтык милдеттерге ылайык өз ишин натыйжалуу пландаштыруу;
-жарандардын кайрылууларын кароо жана жоопторду даярдоо;
-мамлекеттик жана/же расмий, чет тилдерде иштиктүү кат алышуу;
-командада иштөө.
Көндүмдөрү:
- ченемдик укуктук актылар менен иштөө жана аларды тажрыйбада колдонуу.
Конкурска катышуу үчүн зарыл документтер:
-Кыргыз Республикасынын Шайлоо жана референдум өткөрүү боюнча борбордук комиссиясынын конкурстук комиссиясынын төрагасы М.А. Конурбаевдин наамына жеке арыз (бош кызмат орунду так көрсөтүү менен);
-Кадрларды каттоо баракчасы, өмүр баяны (соттолгондугу же соттолбогондугу жөнүндө маалыматты көрсөтүү менен), резюме, сүрөтү;
-Керектүү кесиптик билимин, иш стажын жана квалификациясын тастыктаган документтер (эмгек китепчесинин көчүрмөсү, билими жөнүндө, квалификациясын жогорулаткандыгы жөнүндө, окумуштуулук даражасы жана окумуштуулук наамы жөнүндө документтердин нотариус же иштеген жери боюнча персоналды башкаруу кызматы менен күбөлөндүргөн көчүрмөлөрү);
-Паспорттун көчүрмөсү;
-Сунуш кат;
-Скоросшиватель (документтер үчүн тикме папка).
Документтер 2019-жылдын 17-июлунан 23-июлуна чейин саат 9:00дөн 18:00гө чейин жумасында беш күн иш күндөрү экендигин эске алуу менен Кыргыз Республикасынын Шайлоо жана референдум өткөрүү боюнча борбордук комиссиясынын имаратында төмөнкү дарек боюнча кабыл алынат Бишкек ш., Пушкин көчөсү, 50, №201 каб.
Кошумча маалымат алуу үчүн 62-08-27 телефон аркылуу (адам ресурстарын башкаруу секторуна) кайрылсаңыз болот.
Талапкерлерге коюлган талаптар боюнча кеңири маалыматтар менен БШКнын расмий сайтынан таанышсаныз болот ( http://www.shailoo.gov.kg/).