Юсупов айылындагы көп адам катышкан мушташуу фактысы боюнча Араван районунун ички иштер бөлүмү тарабынан 7 ЖУИ №02-030-2020-000764, ошондой эле КЖБР №03-030-2020-000621 катталганын Араван районунун Ыкчам аракеттенүүчү координациялык тобу билдирди.

2020-жылы 20-сентябрда Кыргыз Республикасынын Жогорку Кеңешинин депутаттыгына “Мекеним Кыргызстан” саясий партиясынан талапкер Ильхом Маннанов үгүттөп сүйлөө убагында көп адам катышкан мушташуу болгон.

Укук коргоо органдары тарабынан сотко чейинки териштирүү иштери жүргүзүлүүдө, ЫАКТ анын жыйынтыгы боюнча толук маалымат берет.

Маалымат үчүн:

“Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 43-беренесине ылайык шайлоону даярдоодо жана өткөрүүдө шайлоо мыйзамдарынын бузулушуна карата ыкчам аракет көрүү жана көрүлүп жаткан чаралар тууралуу жарандарга маалымдоо максатында Ыкчам аракеттенүүчү координациялык топтор (ЫАКТ) түзүлөт.

КР БШК маалымат бөлүмү