Кыргыз Республикасынын Шайлоо жана референдум өткөрүү боюнча борбордук комиссиясы 2024-жылдын 17-сентябрындагы жыйынында Жалал-Абад областынын Базар-Коргон районундагы Сайдыкум айыл аймагынын №2138 шайлоо участогунун схемаларына жана чек араларына өзгөртүүлөрдү киргизип, Сайдыкум айыл аймагыны Аркалык айылында жаңы шайлоо участогун түздү

Токтом Сайдыкум айыл өкмөтүнүн башчысынын кайрылуусунун негизинде Базар-Коргон аймактык шайлоо комиссиясынын чечиминин негизинде кабыл алынган.

№2455 жаңы шайлоо участогу Жалал-Абад облусунун Базар-Коргон районундагы Аркалык айылында, ветеринардык кызматтын имаратында, К.Кожояров кѳчѳсү, №2 дарегинде жайгашкан.

Жаңыдан түзүлгөн №2455 шайлоо участогунун шайлоочуларынын тизмеси шайлоо участогунун чегинде каттоосу бар адамдардын санынан түзүлөт.

Базар-Коргон аймактык шайлоо комиссиясына төмөнкүлөр тапшырылды:

- Аркалык айылындагы № 2455 участкалык шайлоо комиссиясынын курамын жана резервин түзүү;

- жергиликтүү ѳз алдынча башкаруу органдары менен биргеликте шайлоочулардын арасында жаңыдан түзүлгѳн шайлоо участкасынын дареги боюнча түшүндүрүү иштерин жүргүзүү.