4-июль, 2024-жыл

“Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 35-беренесине ылайык:

Шайлоого катышкан шайлоочулардын тизмеси же анын мөөр менен күбөлөндүрүлгөн көчүрмөсү добуш берүү күнүнөн кийин 7 календардык күндөн кечиктирбестен участкалык шайлоо комиссияларынын кире беришиндеги такталарга илинет жана Борбордук шайлоо комиссиясынын сайтына жарыяланат.

2024-жылдын 30-июнунда өткөн Ноокат, Свердлов жана Ысык-Көл шайлоо округдары боюнча Кыргыз Республикасынын Жогорку Кеңешинин депутаттарын мөөнөтүнөн мурда шайлоого катышкан шайлоочулардын тизмелери Борбордук шайлоо комиссиясынын расмий сайтында "Шайлоо" веб-ресурсу - Шайлоо июнь - 2024 кошумча барагында жарыяланды.

Ошондой эле, Ноокат, Свердлов жана Ысык-Көл шайлоо округдары боюнча депутаттарды шайлоого катышкан шайлоочулардын тизмелери 2024-жылдын 6-июлуна чейин бардык 175 шайлоо участкаларында илинет.

Шайлоо участкалары боюнча шайлоого катышкан шайлоочулардын тизмелери менен шилтеме аркылуу таанышууга болот