Борбордук шайлоо комиссиясы 2024-жылдын 17-майындагы жыйынында Свердлов округдук шайлоо комиссиясынын 12 адамдан турган курамын бекитти.

Свердлов округдук шайлоо комиссиясынын курамына Бишкек аймактык шайлоо комиссиясынан (9 адам) жана анын резервинен (3 адам) талапкерлерди кароодо алардын ишке даярдыгынын даражасына, шайлоо кампаниялардагы тажрыйбасына жана жеке сапаттарына карата талаптар эске алынган.

Ошону менен бирге, “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 22-беренесинин 1-бөлүгүнүнө ылайык Жогорку Кеңештин депутаты, жергиликтүү кеңештин депутаты же мамлекеттик органдардын жана жергиликтүү өз алдынча башкаруу органдарынын кызматкери, судья, аскер кызматкери, талапкер, чет өлкөлүк жарандыгы бар адам, соттуулугу жоюлбаган адам, терс негиздер боюнча шайлоо комиссиясынын мүчөлүгүнөн мөөнөтүнөн мурда бошотулган адам шайлоо комиссиясынын мүчөсү боло албайт деп белгилеген нормалары эске алынган.

Округдук шайлоо комиссиясынын курамы жана дареги Борбордук шайлоо комиссиясы тарабынан ал түзүлгөн күндөн тартып үч календардык күндөн кечиктирбестен жалпыга маалымдоо каражаттарына жарыяланат жана Борбордук шайлоо комиссиясынын расмий сайтына жайгаштырылат.

Округдук шайлоо комиссиялардын курамдары менен шилтеме аркылуу таанышсаңыздар болот:  https://www.shailoo.gov.kg/media/azamat/2024/05/17/-_8Rhvr5C.pdf