№9 Кара-Суу округу боюнча шайлоо алдындагы үгүт иштеринин алкагында 2024-жылдын 15-апрелинен тартып Кыргыз Республикасынын Жогорку Кеңешинин депутаттыгына талапкерлердин шайлоочулар менен жолугушуулары өткөрүлүүдө.

Бүгүнкү күндө Кара-Суу районунун Жоош, Ала-Тоо жана Манас айылдарында жолугушуулар болуп өттү.

Жолугушуулар Кара-Суу округдук шайлоо комиссиясы тарабынан жергиликтүү өз алдынча башкаруу органдары менен биргеликте «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 26-беренесинин 1-бөлүгүнө ылайык өткөрүлүүдѳ.

№9 Кара-Суу бир мандаттуу шайлоо округу боюнча Жогорку Кеңештин депутаттыгына 11 талапкер катталган.

Талапкерлер шайлоочуларга шайлоо алдындагы программаларын тааныштырып, шайлоочуларды кызыктырган суроолорго жооп беришти.

Жолугушуунун жүрүшүндө округдун турмушунун социалдык, экономикалык жана экологиялык жагдайларын камтыган бир катар маселелер талкууланууда.

Кара-Суу округдук шайлоо комиссиясы шайлоочуларды Кыргыз Республикасынын Жогорку Кеңешинин депутаттыгына талапкерлердин жолугушууларына төмөнкү график боюнча катышууга чакырат:

8.04.2024-жылы саат 10:00, Кара-Суу шаары, айылдык маданият үйү;

18.04.2024-жылы саат 14:00, Кара-Суу шаары, Ала-Тоо кинотеатры.

2024-жылдын 28-апрели - №9 Кара-Суу бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоо күнү.

Талапкерлер тууралуу маалымат берүү максатында “УТРК Ош” каналында дебаттар өткөрүлөт.

БШК шайлоочуларды «Талапкер» маалымат ресурсунан Жогорку Кеңештин депутаттыгына талапкерлер тууралуу маалымат менен таанышууга чакырат.