Урматтуу жалпыга маалымдоо каражаттарынын жана интернет басылмалардын өкүлдөрү!

• БШК 2024-жылдын 28-апрелине дайынджалган №2 Баткен жана №9 Кара-Суу бир мандаттуу шайлоо округдары боюнча Кыргыз Республикасынын Жогорку Кеңешинин депутаттарын шайлоого жалпыга маалымдоо каражаттарын жана интернет-басылмаларды аккредитациялоодон ѳтүүгѳ тьапшырыктарды кабыл алууну баштады.

Мыйзамга ылайык, шайлоону маалыматтык камсыздоо жарандарды маалымдоону, шайлоо алдындагы үгүт иштерин ѳзүнѳ камтыйт жана жарандардын ѳз эркин аң-сезимдүү жана эркин билдирүүсүнө жана шайлоонун ачык-айкындуулугуна көмөк көрсөтүүгө багытталган. Үгүт процессине катышуу үчүн жалпыга маалымдоо каражаттары жана интернет-басылмалар Борбордук шайлоо комиссиясында аккредитациядан өтүшү зарыл.

БШК «№2 Баткен жана №9 Кара-Суу бир мандаттуу шайлоо округдары боюнча Кыргыз Республикасынын Жогорку Кеңешинин депутаттарын шайлоону дайындоо жѳнүндѳ» КР Президентинин Жарлыгы 2024-жылдын 4-мартында жарыяланганын эске салат.

Шайлоо өнөктүгүнө катышууну каалаган жалпыга маалымдоо каражаттары жана интернет-басылмалар 2024-жылдын 16-мартын кошуп алганга чейин белгиленген мөөнөттө БШКга төмөнкү документтерди тапшырышы керек:

- шайлоо алдындагы үгүткѳ катышуу даяр экендиги жөнүндө билдирүү, анда жетекчинин аты-жөнүн, жалпыга маалымдоо каражатынын же интернет-басылманын координаттарын жана байланыш маалыматтарын көрсөтүү зарыл;

- жалпыга маалымдоо каражатынын Кыргыз Республикасынын Юстиция министрлигинде каттоодон өткөндүгү жөнүндө күбөлүктүн көчүрмөсүн;

- юридикалык жактын мамлекеттик каттоо (кайра каттоо) жөнүндө күбөлүгүнүн же жеке ишкердин (интернет-басылмалар үчүн) салык органдарында каттоодон өткөндүгү жөнүндө күбөлүгүнүн (патенттин) көчүрмөсүн;

- маалымат жана массалык коммуникациялар чөйрөсүндөгү ыйгарым укуктуу мамлекеттик орган тарабынан иш жүргүзүүгө уруксат берүүчү документтердин көчүрмөсүн;

- уставдын көчүрмөсүн (бар болсо);

- эфир убактысын, басма аянтын же интернет-басылмага жарыялоо укугун бергендиги үчүн төлөмдүн өлчөмү жана башка шарттары жөнүндө күбөлөндүрүлгөн маалыматты.

Жалпыга маалымдоо каражаттары жана интернет-басылма ошондой эле арызда камтылган жогоруда көрсөтүлгөн документтерди КР БШКнын маалымат бөлүмүнүн pr.shailoo@gmail.com электрондук дарегине электрондук түрдө жөнөтөт.

КР БШК маалымат бөлүмү