2024-жылдын 21-февралында Ош облусунун Кара-Кулжа районунун жаңыдан түзүлгөн Ылай-Талаа айыл аймагынын кеңешинин уюштуруу сессиясы болуп өттү.

Жалпы 17929 адам жашаган Ылай-Талаа айыл аймагы Ылай-Талаа жана Чалма айыл аймактарын бириктирүү менен түзүлгөн.

Ылай-Талаа айылдык кеңешинде биригүүнүн натыйжасында депутаттардын саны 42 депутатты түздү: Ылай-Талаа кеңешинин 21 депутаты жана Чалма кеңешинин 21 депутаты.

Ылай-Талаа айыл аймагынын кеңешинин сессиясын жашы боюнча эң улуу Ормонова Асилбү Камбаровна

Ылай-Талаа жана Чалма айыл аймактарынын учурдагы төрагаларынын ичинен Айтбаев Нурланбек Рысбекович   жана Кадыркулов Абдрасул Акасовичтердин  ортосунда  шайлоо болуп өттү.

Сессияга бириккен Ылай-Талаа айыл аймагынын  депутаттарынын  39  катышты.

Ачык добуш берүүнүн жыйынтыгы менен 20 добуш алып, Кадыркулов Абдрасул Акасович бириккен Ылай-Талаа айылдык кеңешинин төрагасы болуп шайланды.

Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү