2024-жылдын 21-февралында Ош облусунун Алай районунун жаңыдан түзүлгөн Гүлчө айыл аймагынын кеңешинин уюштуруу сессиясы болуп өттү.

Жалпы 22510 адам жашаган Гүлчө айыл аймагы Гүлчө жана Будалык  айыл аймактарын бириктирүү менен түзүлгөн.

Гүлчө айылдык кеңешинде биригүүнүн натыйжасында депутаттардын саны 32 депутатты түздү: Гүлчө кеңешинин 21 депутаты жана Будалык кеңешинин 11 депутаты.

Гүлчө айыл аймагынын кеңешинин сессиясын жашы боюнча эң улуу Сасанов Абдырахман Арапбаевич ачып, төрагалык кылды.

Гүлчө жана Будалык айыл аймактарынын учурдагы төрагаларынын ичинен Арапбай уулу Улан төрагалыка талапкерлигин көрсөтүүдөн баш тарткандыгын билдирип, жалгыз талапкер Исмаилов Космосбектин катышуусунда шайлоо болуп өттү.

Сессияга бириккен Гүлчө айыл аймагынын 29 депутаттары катышты.

Ачык добуш берүүнүн жыйынтыгы менен 21 добуш алып, Исмаилов Космосбек Токтогулович бириккен Гүлчө айылдык кеңешинин төрагасы болуп шайланды.

         Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү