2024-жылдын 21-февралында Чүй облусунун Москва районунун жаңыдан түзүлгөн Миң-Булак айыл аймагынын кеңешинин уюштуруу сессиясы болуп өттү.

Жалпы 34622 адам жашаган Садовое, Сретенка жана Александровка  айыл  аймактарын бириктирүү менен түзүлгөн.

Миң-Булак айылдык кеңешинде биригүүнүн натыйжасында депутаттардын саны 53 депутатты түздү: Сретенка  кеңешинин  депутаты 11, Александровка кеңешинин  депутаты 21 жана Садовое кеңешинин 21 депутаты.

Миң Булак  айыл аймагынын кеңешинин сессиясын жашы боюнча эң улуу Хуснутдинов Абдулбари Касимович депутат ачып, төрагалык кылды.

Садовое жана Сретенка айыл аймактарынын учурдагы төрагаларынын ичинен Саркулов Баялы Кадырбаевич жана Асаналиев Нурбек Бекташович ортосунда шайлоо болуп өттү. 

Александровка  айыл аймагынын төрагасы Даузова Мариям Юнуровна шайлоого катышкандан баш тартты.

Сессияга бириккен Миң-Булак  айыл аймагынын 49 депутаттары катышты.

Ачык добуш берүүнүн жыйынтыгы менен 34 добуш алып, Саркулов Баялы Кадырбаевич бириккен Миң-Булак   айылдык кеңешинин төрагасы болуп шайланды.

         Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү