2024-жылдын 21-февралында Чүй облусунун Сокулук районунун жаңыдан түзүлгөн Манас айыл аймагынын кеңешинин уюштуруу сессиясы болуп өттү.

Жалпы 22350 адам жашаган Манас айыл аймагы Ат-Башы жана Фрунзе айыл аймактарын бириктирүү менен түзүлгөн.

Манас айылдык кеңешинде биригүүнүн натыйжасында депутаттардын саны 42 депутатты түздү: Ат-Башы кеңешинин 21 депутаты жана Фрунзе кеңешинин 21 депутаты.

Манас айыл аймагынын кеңешинин сессиясын жашы боюнча эң улуу Рахимов Петр Аблизович депутат ачып, төрагалык кылды.

Ат-Башы жана Фрунзе айыл аймактарынын учурдагы төрагаларынын ичинен Абыканова Динаркул Ишенбаевна жана Исмаилов Шаршаке Шамшиевич шайлоо болуп өттү.

Сессияга бириккен Манас айыл аймагынын 38 депутаттары катышты.

Ачык добуш берүүнүн жыйынтыгы менен 20 добуш алып, Абыканова Динаркул Ишенбаевна бириккен Манас айылдык кеңешинин төрагасы болуп шайланды.

         Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү