2024-жылдын 20-февралында Чүй облусунун Москва районунун жаңыдан түзүлгөн Төлөк айыл аймагынын кеңешинин уюштуруу сессиясы болуп өттү.

Жалпы 5790 адам жашаган Төлөк айыл аймагы Чапаев жана Целинный айыл аймактарын бириктирүү менен түзүлгөн.

Төлөк айылдык кеңешинде биригүүнүн натыйжасында депутаттардын саны 33 депутатты түздү: Төлөк кеңешинин 11 депутаты Чапаев кеңешинин 11 депутаты жана Целинный кеңешинин 11 депутаты.

Төлөк айыл аймагынын кеңешинин сессиясын жашы боюнча эң улуу Сагындыков Жалол Гафарович депутат ачып, төрагалык кылды.

Төлөк, Чапаев жана Целинный айыл аймактарынын учурдагы төрагаларынын ичинен Иманалиев Улан Дуйшобекович, Арпачиев Артыкбек Кокенович жана Нуракбаев Куттумурод Сатибалдиевич ортосунда шайлоо болуп өттү.

Сессияга бириккен Төлөк айыл аймагынын 27 депутаттары катышты.

Ачык добуш берүүнүн жыйынтыгы менен 18 добуш алып, Иманалиев Улан Дуйшонбекович. бириккен Төлөк айылдык кеңешинин төрагасы болуп шайланды.

         Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү