КР БШК 2022-жылдын 10-апрелине дайындалган Жалал-Абад, Ысык-Көл, Нарын, Ош жана Чүй облустарынын айрым жергиликтүү кеңештеринин депутаттарын шайлоого шайлоочулардын биротоло тизмесин жарыялады.

Шайлоочулардын биротоло тизмеси Кыргыз Республикасынын Санариптик өнүктүрүү министрлигинин (калкты каттоо боюнча ыйгарым укуктуу мамлекеттик орган, мындан ары – КР СӨМ) маалыматтарынын негизинде түзүлдү жана КР БШКнын шайлоочулардын "Тизме" мамлекеттик порталына - https://tizme.gov.kg/view/public/tik_list_public_regional.xhtml  жайгаштырылды.

Шайлоочулардын биротоло тизмелери 2022-жылдын 7-апрелине чейин кагазга басылып чыгарылып, 84 шайлоо участогуна илинет.

Урматтуу шайлоочулар!

Өзүңүздүн шайлоо участкаңызды тактаныз:

• 1255 же 119 номерине телефон чалуу менен;
• «tizme.gov.kg» сайтында;
• Же өзүңүздүн паспортуңуздагы идентификациялык жеке номерди (ПИН) көрсөтүү менен 119 номерине СМС жөнөтүп, Сиздин шайлоо участогуңуздун номери жана дареги тууралуу жооп аласыз (СМС билдирүү жөнөтүү жана чалуулар акысыз).

Маалымат үчүн: КРдин шайлоо мыйзамдарына ылайык, добуш берүү күнү жигердүү шайлоо укугуна ээ, жергиликтүү жамаатынын мүчөлөрү болуп саналган жарандар жана КР мыйзамдарына ылайык биометрикалык каттоодон өткөн, КРдин бардык жарандары шайлоочулардын тизмесине киргизилет. Шайлоочунун жергиликтүү жамааттагы мүчөлүгү туруктуу жашаган жерин каттоо жөнүндө жарандын паспортундагы белги менен аныкталат (“Жергиликтүү кеңештердин депутаттарын шайлоо жөнүндө” КР Мыйзамынын 2-беренесинин 41-абзацы, 12-беренесинин 1-бөлүгү).

Таш-Көмүр шаардык кеңеши боюнча биротоло тизмелердеги шайлоочулардын саны 24 889 шайлоочуну, Токтогул шаардык кеңеши 12991 шайлоочуну, Кара-Балта шаардык кеңеши 30968 шайлоочуну, Жаңы-Алыш айылдык кеңеши 1 834 шайлоочуну, Кара-Булак айылдык кеңеши 2 175 шайлоочуну, Көк-Ойрок айылдык кеңеши 3 176 шайлоочуну, Александровка айылдык кеңеши 11 365 шайлоочуну, Сокулук айылдык кеңеши 10 954 шайлоочуну, Кара-Жыгач айылдык кеңеши 4 496 шайлоочуну, Көк-Арт айылдык кеңеши 7 309 шайлоочуну, Юсупов айыл кеңеши 16 544 шайлоочуну, Төлөйкөн айылдык кеңеши 16 820 шайлоочуну, Ак-Таш айылдык кеңеши 5 851 шайлоочуну, Тоголок-Молдоко айылдык кеңеши 2 248 шайлоочуну, Казыбек айылдык кеңеши 3 323 шайлоочуну, Кажы-Сай айылдык кеңеши 3 015 шайлоочуну түздү.

Шайлоочулардын жалпы саны 157 958 түздү, алардын ичинен эркектер74 864 же 47,39%, ал эмиаялдар83 094 же 52,61%.