Кыргыз Республикасынын Шайлоо жана референдум өткөрүү боюнча борбордук комиссиясы 2022-жылдын 28-январындагы жыйналышында шайлоого катышуудан баш тартуу жана ыйгарым укуктуу өкүлдөрдү чакыртып алуу жөнүндө арыздарды карап чыгып, аларды эске алуу жөнүндө чечим кабыл алды.

КР БШКга төмөнкү талапкерлер арыз беришти:

1. Эргешов Казыбек Кочкорович, № 29 Свердлов шайлоо округу боюнча Кыргыз Республикасынын Жогорку Кеңешинин депутаттыгына талапкер;

2. Джакыпбеков Шадыкан Мырзаканович, № 27 Биринчи май шайлоо округу боюнча Кыргыз Республикасынын Жогорку Кеңешинин депутаттыгына талапкер.

Буга чейин Аматов Рысбай Аматович (№ 27 Биринчи май шайлоо округу) жана Ибраймакунов Данияр Омурбекович (№ 29 Свердлов шайлоо округу) КР ЖК депутаттарын кайра шайлоого катышуудан баш тартуу жөнүндө арыз беришкен.

КР БШК аппаратынын маалымат бөлүмү