2021-жылдын 5-октябрында Кыргыз Республикасынын Шайлоо жана референдум өткөрүү боюнча борбордук комиссиясы Нарын облусунун Нарын шаарынын мэрин шайлоону дайындады. Нарын шаарынын мэрин шайлоо 2021-жылдын 22-октябрында 9-00дөн 12-00гө чейин өтөөрү белгиленди. Нарын облусундагы Нарын шаарынын мэри Болотбеков Самарбек берилген арызына ылайык кызмат ордунан бошотулду.

Нарын аймактык шайлоо комиссиясына Кыргыз Республикасынын мыйзамдарына ылайык, ошондой эле Кыргыз Республикасынын Өкмөтүнүн 2020-жылдын 11-майындагы № 244 токтому менен бекитилген санитардык-эпидемиологиялык эрежелерди сактоо менен шайлоону өткөрүүнү уюштуруу тапшырылды.

КР БШК аппаратынын маалымат бөлүмү