2021-жылдын 11-июлуна дайындалган шаардык кеңештерге кайталап шайлоону даярдоо жана өткөрүү алкагында Кыргыз Республикасынын Шайлоо жана референдум өткөрүү боюнча борбордук комиссиясы шайлоо технологиялары, шайлоодогу аныктык, ачык-айкындуулук маселелери, жабдыктарды колдонуунун практикалык өңүттөрү боюнча саясий партиялардын өкүлдөрү жана коомдук байкоочулар үчүн семинар өткөрдү.

Семинардын жүрүшүндө КР БШК аппаратынын кызматкерлери АЭУнун, «Электрондук талапкер» маалымат тутумунун жана «Тизме» электрондук порталынын иши көрсөтүлдү. Семинарда КР БШК аппаратынын кызматкерлери саясий партиялардын өкүлдөрүнүн жана коомдук байкоочулардын суроолору боюнча жооп, түшүндүрмө беришти.

КР БШК Бишкек жана Ош шаарларында дагы ушундай иш-чараларды жана семинарларды өткөрүүнү мерчемдөдө.

КР БШК аппаратынын маалымат бөлүмү