КР БШК 2021-жылы 1-июлда Талас шаардык, Нарын жана Кара-Буура аймактык шайлоо комиссияларынын Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу жана бош калган депутаттык мандаттарды шайланган депутаттардан кийинки талапкерлерге өткөрүп берүү жөнүндө чечимдерин карап чыгып, бекитти.

Талас облусунун Талас шаардык кеңешинин депутаты Жылдызова Анара Бектурсуновнанын ыйгарым укуктары өз арызынын негизинде токтотулду. Мандат “Талас даамы” ЖЧК төрагасынын орун басары Тууганбаев Жаныбек Бактыбековичке (№ 10, “Аманат” саясий партиясы) өткөрүп берилди.

Депутаттык ыйгарым укуктарды аткаруу менен айкалышпаган кызмат ордуна дайындалгандыгына байланыштуу Нарын облусунун Нарын районунун Дөбөлү айылдык кеңешинин депутаты Бектемиров Авас Турдубаевичтин ыйгарым укуктары токтотулду. Мандат “Салкын Төр” токой паркынын башчысы Богачаев Уланбек Кубанычбековичке өткөрүп берилди.

Депутаттык ыйгарым укуктарды аткаруу менен айкалышпаган кызмат ордуна дайындалгандыгына байланыштуу Нарын облусунун Нарын районунун Кара-Кужур айылдык кеңешинин депутаты Рысбек уулу Дамирдин ыйгарым укуктары токтотулду. Мандат Кара-Кужур айылынын жайыт комитетинин бухгалтери Сулайманбеков Улар Сулайманбековичке өткөрүп берилди.

Депутаттык ыйгарым укуктарды аткаруу менен айкалышпаган кызмат ордуна дайындалгандыгына байланыштуу Нарын облусунун Нарын районунун Казан-Куйган айылдык кеңешинин депутаты Мамбеткулов Чынгыз Майрамбековичтин ыйгарым укуктары токтотулду. Мандат жеке ветеринардык врач Талипов Бектур Темирбековичке өткөрүп берилди.

Нарын облусунун Нарын районунун Достук айылдык кеңешинин депутаты Өмүрканов Кубанычбек Жумагуловичтин ыйгарым укуктары өз арызынын негизинде токтотулду. Мандат Ат-Башы ГЭСинин машинисти Абдыжапаров Адилет Жолочуевичке өткөрүп берилди.

Депутаттык ыйгарым укуктарды аткаруу менен айкалышпаган кызмат ордуна дайындалгандыгына байланыштуу Талас облусунун Талас районунун Маймак айылдык кеңешинин депутаты Ниязалиева Алима Бакузеевнанын ыйгарым укуктары токтотулду. Талапкерлер жок болгондугуна байланыштуу мандат кийинки шайлоого чейин бош калат.

Депутаттык ыйгарым укуктарды аткаруу менен айкалышпаган кызмат ордуна дайындалгандыгына байланыштуу Талас облусунун Талас районунун Көк-Сай айылдык кеңешинин депутаты Стамкулов Болот Музулумовичтин ыйгарым укуктары токтотулду. Мандат транспорттук инспекциянын инспектору Нарбеков Эрмек Орозбаевичке өткөрүп берилди.

Депутаттык ыйгарым укуктарды аткаруу менен айкалышпаган кызмат ордуна дайындалгандыгына байланыштуу Талас облусунун Талас районунун Аманбаев айылдык кеңешинин депутаты Зулумбек уулу Анарбектин ыйгарым укуктары токтотулду. Мандат убактылуу иштебеген Жуманалиев Алихан Чоткараевичке өткөрүп берилди.

КР БШК аппаратынын маалымат бөлүмү