“Ыйман Нуру” акыйкатчылык жана ѳнүктүрүү саясий партиясы шайлоого катышуу тууралуу БШКга кабарлама берди

Кыргыз Республикасынын Шайлоо жана референдум ѳткѳрүү боюнча борбордук комиссиясына 2020-жылдын 4-октябрында ѳтѳ турган Кыргыз Республикасынын Жогорку Кеңешинин депутаттарын шайлоого катышуу ниети жѳрүндѳ  “Ыйман Нуру” акыйкатчылык жана ѳнүктүрүү саясий партиясынын жетекчиси  Р.Т. Алымкулов кол койгон кабарлама келип түштү.

Партия шайлоо боюнча ыйгарым укуктуу ѳкүл катары Айпери Муратбек кызын, финансы маселелери боюнча ыйгарым укуктуу ѳкүл катары Эсенгулов Тариэл Артыковичти дайындаган.

Конституциялык мыйзамдын 60-беренесинин 1,2-бѳлүктѳрүнѳ ылайык Жогорку Кеңештин депутаттыгына талапкерлердин тизмесин кѳрсѳтүү шайлоо дайындалган күндѳн тартып башталат жана  шайлоо күнүнѳ чейин 45 календардык күн калганда, б.а. 2020-жылдын 20-августунда аяктайт.

КР БШК маалымат бѳлүмү