Борбордук шайлоо комиссиясынын имаратында 22-июнь күнү бир кызматкерден чыккан COVID-19га тестин оң натыйжасына байланыштуу дезинфекция жүргүзүлдү. Бардык кабинеттер, залдар жана жалпы пайдалануучу орун жайлар иштетилүүдѳн ѳткѳрүлдү.

Бишкек шаарындагы санитардык-эпидемиологиялык кѳзѳмѳл борбору тарабынан БШК аппаратынын кызматкерлерин тестирлѳѳ уюштурулду. Түздѳн-түз кѳзѳмѳлгѳ алынуучу адамдар ѳзүн изоляциялоо режиминде болот. Кѳпчүлүк кызматкерлер кайрадан үйүндѳ иштѳѳ режимине ѳткѳрүлдү.

Республикалык штабдын сунуштамасы боюнча  БШКнын имаратында  санитардык жана коргоо чаралары күчтѳндүрүлдү.