2024-жылдын 24-июнунда Кыргыз Республикасынын Шайлоо жана референдум өткөрүү боюнча борбордук комиссиясына М.Тургумбаевадан арыз (№Т-24, 24.06.2024-ж.) келип түшкѳн, анда Бишкек шаарынын Свердлов районундагы булгары заводунун жанында Великолукская жана Аул көчөлөрүнүн кесилишинде азык-түлүк дүкөндөрүнүн биринде №29 Свердлов шайлоо округу боюнча Кыргыз Республикасынын Жогорку Кеңешинин депутаттыгына талапкер Алмаз уулу Аскардын баннер түрүндө үгүт материалы жайгашкан, анын туурасы 3 метрге жакынды жана бийиктиги 2 метрди түзөт деп билдирилген. Арыз ээси талапкер Алмаз уулу Аскардын баннер №152 Ак-Кайың мектепке чейинки билим берүү мекемесинен 10 метр жерде жайгашканын айтат (арызга сүрөт тиркелген).

2024-жылдын 24-июнунда М.Турсумбаеванын арызы Арыздырды жана даттанууларды кароо, маалымат маселелери жана үгүт эрежелери боюнча жумушчу топтун жыйнында каралып, ал жерде арыз ээси М.Турсумбаева, Кыргыз Республикасынын Жогорку Кеңешинин депутаттыгына талапкер А.Аскар уулунун ыйгарым укуктуу өкүлү А.Сасыбаева угулду.

А.Сасымбаева талапкердин баннери илинген дүкөн менен үгүт баннерин жайгаштыруу боюнча келишим түзүлгөндүгүн билдирди. Талапкердин өкүлү үгүт баннерин орнотууда мектепке чейинки билим берүү мекемесинен алыстыгын эске албаганын жана шайлоо алдында үгүт жүргүзүү шарттарынын бузулгандыгын мойнуна алды. Ошондой эле А.Сасымбаева 2024-жылдын 24-июнунда кечинде талапкердин үгүт баннери алынып, бузуулар ошол эле күнү четтетилгендигин билдирди.

Арыздарды жана даттанууларды кароо, маалымдоо маселелери жана үгүт эрежелери боюнча жумушчу топ БШКга талапкер Алмаз уулу Аскарды шайлоо алдындагы үгүт иштерин жүргүзүүнүн шарттарын бузгандыгы үчүн Кыргыз Республикасынын Укук бузуулар жѳнүндѳ кодексинин 65-беренесинин 1-бөлүгүнө ылайык жоопкерчиликке тартууга сунуштайт.

Конституциялык Мыйзамдын 28-беренесинин 2-бөлүгүнө ылайык: «Ибадат кылуу имараттарына, курулмаларына жана аларга тиешелүү аймактарга, кооптуу жана зыяндуу өндүрүштөрү бар объекттерге, электр станцияларга, темир жолдорго, мунай куурларга жана жогорку чыңалуудагы электр берүү линияларына, пенитенциардык тутумдун объекттерине, саламаттык сактоонун мамлекеттик жана муниципалдык уюмдарына, мектепке чейинки балдар мекемелерине, мектепке чейинки билим берүүчү жана жалпы билим берүүчү уюмдардын ичинде жана уюмдарга жакын жерлерде (аралыгы 100 метрден аз) үгүт иш-чараларын жүргүзүүгө, үгүт материалдарын таратууга жол берилбейт».

«Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамынын 28-беренесинин 1-бөлүгүнө ылайык: «Шайлоо комиссиялары шайлоо алдындагы үгүттү жүргүзүүнүн белгиленген тартибинин сакталышын көзөмөлдөйт жана кетирилген кемчиликтерди жоюу боюнча чараларды көрөт».

Баяндалгандардын негизинде, Арыздарды жана даттанууларды кароо, маалымдоо маселелери жана үгүт эрежелери боюнча жумушчу топтун чечимин эске алып, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 3, 4, 8-беренелерин жетекчиликке алып,

Кыргыз Республикасынын Шайлоо жана референдум өткөрүү боюнча борбордук комиссиясы

ЧЕЧИМ КЫЛАТ:

1. №29 Свердлов шайлоо округу боюнча Кыргыз Республикасынын Жогорку Кеңешинин депутаттыгына талапкер Алмаз уулу Аскарды Кыргыз Республикасынын Укук бузуулар жөнүндө кодексинин 65-беренесинин 1-бөлүгүнө ылайык жоопкерчиликке тартуу жөнүндө маселени кароо үчүн материалдар Кыргыз Республикасынын Шайлоо жана референдум өткөрүү боюнча борбордук комиссиясынын ыйгарым укуктуу кызмат адамына жөнөтүлсүн.

2. Бул чечим Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

3. Бул чечимдин аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын мүчөсү, Кыргыз Республикасынын Шайлоо жана референдум өткөрүү боюнча борбордук комиссиясынын Шайлоочулардын жана шайлоо процессинин башка катышуучуларынын арыздарын жана даттанууларын кароо, маалымдоо маселелери жана үгүт эрежелери боюнча жумушчу тобунун жетекчиси У.Жылкыбаевге жүктөлсүн.

ТѲРАГА                                                                                                           Н.ШАЙЛДАБЕКОВА

Бишкек ш., 2024-жылдын 26-июну

№229