2012-жылдын 1-декабрында Кыргыз Республикасынын Шайлоо жана референдум өткөрүү боюнча борбордук комиссиясына Ысык-Көл облусунун Жети-Өгүз районундагы Кызыл-Суу айылдык кеңешинин №4 Батыш көп мандаттуу шайлоо округу боюнча депутаттыкка талапкерлер Т.Сулайымбековдон, Р.К.Байдолтовдон, М.С.Иманалиевден, Б.Ж.Жакыпалиевден, К.А.Мамыркановдон арыз келип түштү, алар №3189 шайлоо участкасында добуш берүүнүн жыйынтыктарын жараксыз деп табууну өтүнүп, көрсөтүлгөн округ боюнча депутаттарды шайлоодо башка шайлоочулар үчүн добуш берүү фактылары орун алгандыгын көрсөткөн.

Сунуш кылынган материалдардан 2012-жылдын 25-ноябрында №4 Батыш шайлоо округу боюнча Кызыл-Суу айылдык кеңешинин депутаттарын шайлоодо 5 адам добуш берүүгө катышпагандыгы жөнүндө алардын түшүнүк каттары шайлоочулардын паспортторунун көчүрмөлөрү же башка документтери менен ырасталбагандыгы белгиленген. Буга байланыштуу арыз ээлери өзүн көрсөтүп жаткан адам экенин же жоктугун, алар Кызыл-Суу айылдык кеңешинин жергиликтүү жамаатынын мүчөлөрү болуп санала тургандыгын же жоктугун аныктоо мүмкүн эмес.

Мындан тышкары, арызга 2012-жылдын 25-ноябрында шайлоо мыйзамдары бузулгандыгы жөнүндө акт тиркелген. Көрсөтүлгөн актынын участкалык комиссияда жана аймактык шайлоо комиссиясында (АШК) катталган белгиси жок.

Ысык-Көл облусунун Жети-Өгүз районундагы Кызыл-Суу айылдык кеңешинин №4 Батыш көп мандаттуу шайлоо округу боюнча депутаттыкка талапкерлер Т.Сулайымбековдун, Р.К.Байдолтовдун, М.С.Иманалиевдин, Б.Ж.Жакыпалиевдин, К.А.Мамыркановдун арызынын негизинде Жети-Өгүз АШКнын 2012-жылдын 28-ноябрындагы №59 чечими менен Кыргыз Республикасынын Шайлоо жана референдум өткөрүү боюнча борбордук комиссиясынын мүчөсүнүн катышуусунда №3189 шайлоо участкасы боюнча шайлоочулардын добуштарын кайталап саноо чечими кабыл алынган.

Ырастаган документтердин жоктугуна жана берилген арыздын негиздүүлүгүнө байланыштуу Жети-Өгүз АШК 2012-жылдын 29-ноябрындагы №65 чечими менен АШКнын 2012-жылдын 28-ноябрындагы №59 протоколу күчүн жоготту деп табылган.

«Кыргыз Республикасынын шайлоо жана референдум өткөрүү боюнча шайлоо комиссиялары жөнүндө» Кыргыз Республикасынын Мыйзамынын
6-беренесин, 7-беренесинин 1-бөлүгүндөгү 1, 2, 26-пункттарды жетекчиликке алып, Кыргыз Республикасынын Шайлоо жана референдум өткөрүү боюнча борбордук комиссиясы,

ЧЕЧТИ:

1. Ысык-Көл облусунун Жети-Өгүз районундагы Кызыл-Суу айылдык кеңешинин №4 Батыш көп мандаттуу шайлоо округу боюнча депутаттыкка талапкерлер Т.Сулайымбековдун, Р.К.Байдолтовдун, М.С.Иманалиевдин, Б.Ж.Жакыпалиевдин, К.А.Мамыркановдун арызында көрсөтүлгөн талаптарды канааттандыруудан баш тартылсын.

2.Бул чечимдин көчүрмөсү Жети-Өгүз аймактык шайлоо комиссиясына жөнөтүлсүн жана арыз ээлерине берилсин.

3. Бул чечим Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жайгаштырылсын.

4. Бул чечимдин аткарылышына контролдук кылуу милдети Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Т.Шайымкуловага жүктөлсүн.

ТӨРАГА                                                                    Т. АБДРАИМОВ

            Бишкек ш., 2012-жылдын 6-декабры