Кыргыз Республикасынын Шайлоо жана референдум өткөрүү боюнча борбордук комиссиясына 2014-жылдын 21-ноябрында Чүй облусунун Жайыл районунун Кызыл-Дыйкан айылдык кеңешинин депутаттары К.А. Акматовдон, С.А.Аширбековдон, Т.С. Бабаевден, К.А. Джумагуловдон, Т.О. Джыбыкеевден, А.Т. Кудайбергеновдон, В.С. Свистуленкодон, А.Ч. Токсобаевден жана Г.С. Харченкодон Кызыл-Дыйкан айыл өкмөтүнүн башчысын шайлоо боюнча добуш берүүнүн жыйынтыктары жөнүндө протоколду жараксыз деп табуу жөнүндө арыз түшкөн.

Кыргыз Республикасынын Шайлоо жана референдум өткөрүү боюнча борбордук комиссиясынын 2014-жылдын 6-ноябрындагы № 122 токтому менен Чүй облусунун Жайыл районунун Кызыл-Дыйкан айыл өкмөтүнүн башчысын кайра шайлоо 2014-жылдын 20-ноябрына, саат 10.00гө дайындалган.

Сунушталган документтер боюнча Жайыл аймактык шайлоо комиссиясынын мүчөлөрү 2014-жылдын 20-ноябрында саат 10.00дө Кызыл-Дыйкан айыл өкмөтүнүн башчысын шайлоону өткөрүү үчүн Кызыл-Дыйкан айылдык кеңешинин имаратына келишкендиги аныкталган. Айылдык кеңештин имаратына 11 депутаттан 7сү келген.

Жайыл аймактык шайлоо комиссиясы, Кызыл-Дыйкан айыл өкмөтүнүн башчысын шайлоону өткөрүү үчүн Кызыл-Дыйкан айылдык кеңешинин депутаттарынын кворуму жок болгондугун аныктап, Кызыл-Дыйкан айыл өкмөтүнүн башчысын шайлоо болбой калды деп тапкан.

“Кыргыз Республикасынын шайлоо жана референдумдарды өткөрүү боюнча шайлоо комиссиялары жөнүндө” Кыргыз Республикасынын Мыйзамынын 6, 7, 18-беренелерин, “Жергиликтүү өз алдынча башкаруу жөнүндө” Кыргыз Республикасынын Мыйзамынын 49-беренесин, Кыргыз Республикасынын Шайлоо жана референдум өткөрүү боюнча борбордук комиссиясынын 2011-жылдын 27-декабрындагы № 423 токтому менен бекитилген “Айыл өкмөтүнүн башчысын шайлоонун тартиби жөнүндө” Жобонун 24-пунктун жетекчиликке алып, 

ЧЕЧИМ КЫЛАТ: 

1. Чүй облусунун Жайыл районунун Кызыл-Дыйкан айылдык кеңешинин депутаттары К.А. Акматовдун, С.А. Аширбековдун, Т.С. Бабаевдин, К.А. Джумагуловдун, Т.О. Джыбыкеевдин, А.Т. Кудайбергеновдун, В.С. Свистуленконун, А.Ч. Токсобаевдин жана Г.С. Харченконун  арызында баяндалган талаптарды канааттандыруудан баш тартылсын.

2. Бул чечимдин көчүрмөсү арыз ээлерине берилсин.

3. Бул чечим Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

4. Бул чечимдин аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын аппаратынын жетекчисинин орун басары П.П. Баженовго жүктөлсүн.

ТӨРАГА                                                                    Т. АБДРАИМОВ