Ысык-Көл облусунун Жети-Өгүз районунун Барскоон айыл аймагындагы Караколка айылынын № 3200 шайлоо участкасын жоюу  жана шайлоочулар үчүн максималдуу ыңгайлуу шарттарды түзүү максатында Оргочор айыл аймагынын Кургак-Айрык айылынын аймагында жаңы шайлоо участканы түзүү жөнүндө Жети-Өгүз аймактык шайлоо комиссиясынын сунушунун негизинде, «Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 3, 4, 8-беренелерине, “Жергиликтүү кеңештердин депутаттарын шайлоо жөнүндө” Кыргыз Республикасынын Мыйзамынын 11-беренесинин 3-бөлүгүнө, Кыргыз Республикасынын Шайлоо жана референдум ѳткѳрүү боюнча борбордук комиссиясынын
2019-жылдын 6-декабрындагы № 176 токтому менен бекитилген «Шайлоо комиссияларын түзүүнүн, таркатуунун жана шайлоо комиссияларынын резервдерин түзүүнүн, жүргүзүүнүн тартиби жѳнүндѳ» Жобого ылайык,

 Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Ысык-Көл облусунун Жети-Өгүз районунун Барскоон айыл аймагындагы Караколка айылынын № 3200 шайлоо участкасы жоюлсун.

1.1. Ысык-Көл облусунун Жети-Өгүз районунун Барскоон айыл аймагындагы Караколка айылынын № 3200 шайлоо участкасынын курамы таркатылсын.

2.  Ысык-Көл облусунун Жети-Өгүз районунун Оргочор айыл аймагынын Кургак-Айрык айылынын аймагында жаңы № 3260 шайлоо участкасы түзүлсүн.

2.1. Жети-Өгүз аймактык шайлоо комиссиясы жаңы түзүлгөн шайлоо участкасына участкалык шайлоо комиссиясынын курамын жана резервин мыйзамга ылайык түзсүн.

3. Бул токтом «Эркин-Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

4. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т. Шайназаровго жүктөлсүн.

ТӨРАГА                                                                         Н. ШАЙЛДАБЕКОВА

Бишкек ш., 2021-жылдын 3-октябры

№ 717