2022-жылдын 10-апрелинде болуп өткөн Нарын облусунун Ат-Башы районунун Казыбек айылдык кеңешинин депутаттарын шайлоо натыйжалары тууралуу Ат-Башы аймактык шайлоо комиссиясынын протоколу жөнүндө

2022-жылдын 10-апрелинде Кыргыз Республикасынын Президентинин 2022-жылдын 8-февралындагы №31 Жарлыгы менен дайындалган Нарын облусунун Ат-Башы районунун Казыбек айылдык кеңешинин депутаттарын шайлоо болуп өттү.

«Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 10,11-беренелерине ылайык Нарын облусунун Ат-Башы районунун Казыбек айылдык кеңешинин депутаттарын шайлоону өткөрүүдө 3 шайлоо округу түзүлүп, 3 шайлоо участкасы уюштурулган. Шайлоочулардын тизмесин 3323 шайлоочу киргизилген.

Казыбек айылдык кеңешинде депутаттык мандаттын саны 21, анын ичинен 8 мандат аялдар үчүн резервделинген. 39 талапкер катталган, анын ичинде 11 аял.

Ат-Башы аймактык шайлоо комиссиясы 3 участкалык шайлоо комиссиясынын добуш берүүнүн жыйынтыктары жөнүндө протоколдорунун негизинде Нарын облусунун Ат-Башы районунун Казыбек айылдык кеңешинин депутаттарын шайлоодо добуш берүүнүн жыйынтыктарын белгилеп, шайлоонун натыйжасын аныктаган.

Добуш берүүгө жалпысынан 1494 шайлоочу катышып 44,9%ды түздү. 21 депутат шайланды, анын ичинен 8 депутат аял.

Нарын облусунун Ат-Башы районунун Казыбек айылдык кеңешинин  депутаттарын шайлоону даярдоо жана өткөрүү мезгилинде арыз жана даттануулар түшкөн жок.

«Кыргыз Республикасынын Шайлоо жана референдум өткөрүү боюнча борбордук комиссиясы жөнүндө» Кыргыз Республикасынын конституциялык Мыйзамынын 4-беренесинин 1-бөлүгүнүн 2, 27-пункттарына, «Жергиликтүү кеңештердин депутаттарын шайлоо жөнүндө» Кыргыз Республикасынын Мыйзамынын 37, 38, 40, 51, 59-1, 62-беренелерине ылайык,          

Кыргыз Республикасынын Шайлоо жана референдум өткөрүү боюнча борбордук комиссиясы   

ТОКТОМ КЫЛАТ:

1. Ат-Башы аймактык шайлоо комиссиясынын 2022-жылдын 13-апрелиндеги Казыбек айылдык кеңешинин депутаттарын шайлоо натыйжалары жөнүндө протоколу бекитилсин (тиркелет).

2. Бул токтом «Эркин Тоо» газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

3. Бул токтомдун көчүрмөсү Ат-Башы аймактык шайлоо комиссиясына жана Казыбек  айылдык кеңешине жиберилсин.

4. Ат-Башы аймактык шайлоо комиссиясы шайлоонун натыйжалары жарыялангандан кийин 3 күндүк мөөнөттө шайланган депутаттарды каттасын жана аларга ырастамаларды, белгиленген үлгүдөгү төш белгилерди тапшырсын.

5. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т.У. Шайназаровго жүктөлсүн.

ТӨРАГА                                                                     Н. ШАЙЛДАБЕКОВА

Бишкек ш., 2022-жылдын  18-апрели

№50