2024-жылдын 2-сентябрында №13 Сузак шайлоо округунда Кыргыз Республикасынын Жогорку Кеңешинин депутаттарын шайлоого карата шайлоо алдындагы үгүт иштери башталды.

Бүгүн, 2-сентябрында шайлоо өнөктүгүнүн эң активдүү этапы башталды – шайлоо алдындагы агитация. Ал 2024-жылдын 21-сентябрында саат 8.00дө аяктайт.

Мөөнөтүнөн мурда шайлоого 15 талапкер катышуу ниети тууралуу арыз берип, 5 талапкер катышуудан баш тартты, бир талапкердин каттоосу канааттандырылган жок.

Бүгүнкү күндө жалпысынан 9 талапкер катталды, анын ичинен 2 аял.

Белгилей кетсек, Сузак шайлоо округу боюнча Кыргыз Республикасынын Жогорку Кеңешинин депутаттарын мөөнөтүнөн мурда шайлоо 2024-жылдын 22-сентябры, жекшембиге белгиленген.

Бул убакыт аралыгында үгүт иштери төмөнкүдөй ишке ашырылат:

• Жалпыга маалымдоо каражаттары аркылуу;

• Үгүт багытында коомдук иш-чараларды өткөрүү аркылуу (митинг, чогулуш, теледебаттар), бирок калктуу конуштардын спорттук аянтчалары менен көчөлөрүндө концерт, театрлардаштырган оюн-зоокторду жана спорттук иш-чараларды өткөрүүгө тыюу салынат;

• басма, аудиовизуалдык жана башка үгүт материалдарын чыгаруу жана таратуу жолу менен;

• Конституциялык мыйзамда тыюу салынбаган башка формаларда;

Шайлоого 9 талапкер катталды. Талапкерлердин тизмеси төмөнкү шилтемеде: https://talapker.shailoo.gov.kg/ru/okrg_candidate/1700/39

Талапкерлер жана алардын программалары тууралуу толук маалыматты "Талапкер" сайтынан таанышсаңыздар болот: http://talapker.shailoo.gov.kg/

Шайлоочулар жана талапкерлер БШКнын башка маалымат ресурстарынан да керектүү маалыматты ала алышат:

- “Тизме” мамлекеттик порталы (https://tizme.gov.kg/), ал шайлоочулардын учурдагы тизмеси менен шайлоо участкалары боюнча таанышууга мүмкүндүк берет;

- "Шайлоо участкалары жана округдары" географиялык маалымат системасы (https://gisuiktec.shailoo.gov.kg/Map),

- БШКнын маалыматтарынын жана кол менен эсептөөнүн негизинде шайлоочулардын катышуусун жана добуш берүүнүн жыйынтыктарын карап чыгуу үчүн шайлоо маалыматтык системасы (https://newess.shailoo.gov.kg/ru/home),

- “Кыргыз Республикасынын Борбордук шайлоо комиссиясынын ачык маалыматтары” веб-ресурсу (https://shailoo.gov.kg/ru/otkrytye-dannye-cik/), анын ичинде шайлоолор жана референдумдар боюнча статистика.