0 (770) 660240
Ноокат жана Ысык-Көл шайлоо округдарында участкалык шайлоо комиссияларынын мүчөлөрүнө окуу өткөрүлүүдө
29 мая 2024
Кыргыз Республикасынын Президентинин 2024-жылдын 30-апрелиндеги № 109 Жарлыгына ылайык, 2024-жылдын 30-июнуна №5 Ноокат бир мандаттуу шайлоо округу жана №36 Ысык-Көл бир мандаттуу шайлоо округу боюнча Кыргыз Республикасынын Жогорку Кеңешинин депутаттарын мөөнөтүнөн мурда шайлоону дайындалды.
Мөөнөтүнөн мурда шайлоону уюштурууга округдук шайлоо комиссияларынын 24 мүчөсү жана участкалык шайлоо комиссияларынын 1404 мүчөсү тартылган. Добуш берүүнү уюштуруу үчүн 115 шайлоо участогу ачылды.
Округдук шайлоо комиссияларынын мүчөлөрү ушул шайлоонун өзгөчөлүгүн эске алуу менен шайлоо процессинин негизги маселелери боюнча окуудан ѳтүшѳт. Бул максатта КР БШК тѳмѳнкү темалар боюнча окуу модулдарын иштеп чыккан:
Бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоонун өзгөчөлүктөрү;
Округдук шайлоо комиссиясынын ишинин принциптери жана ыйгарым укуктары. КР БШКнын жумушчу топтору менен өз ара аракеттенүү;
Талапкерлердин шайлоо фондун түзүүнүн тартиби, шайлоо күрөөсү, финансылык ачыктык;
Шайлоо алдындагы үгүт жүргүзүүнү маалымдоо жана анын тартиби. Шайлоо комиссиялары тарабынан арыздарды жана даттанууларды кароонун тартиби;
Шайлоо комиссиялары тарабынан бир мандаттуу шайлоо округу боюнча Кыргыз Республикасынын Жогорку Кеңешинин депутатын мөөнөтүнөн мурда шайлоодо добуш берүүнүн жыйынтыктарын белгилөөнүн тартиби.
Окуу процесси тажрыйба жана билим алмашуу, суроо-жооп иретинде, шайлоо өнөктүгү учурунда болгон реалдуу окуялардын мисалында жүргүзүлѳт.
Маалымат иретинде: 2024-жылдын 28-майынан 3-июнуна чейин №5 Ноокат бир мандаттуу шайлоо округунун жана №36 Ысык-Көл бир мандаттуу шайлоо округунун 115 участкалык шайлоо комиссияларынын 1404 мүчөсү үчүн окуулар өткөрүлөт.
