2024-жылдын 21-февралында Талас облусунун Бакай-Ата районунун жаңыдан түзүлгөн Күмүштак айыл аймагынын кеңешинин уюштуруу сессиясы болуп өттү.

Жалпы 12 443 адам жашаган Күмүштак айыл аймагы Оро жана Боо-Терек айыл аймактарын бириктирүү менен түзүлгөн.

Күмүштак айылдык кеңешинде биригүүнүн натыйжасында депутаттардын саны 32 депутатты түздү: Оро кеңешинин 11 депутаты жана Боо-Терек кеңешинин 21 депутаты.

Күмүштак айыл аймагынын кеңешинин сессиясын жашы боюнча эң улуу Акматов Батырбек Сейдалиевич депутат ачып, төрагалык кылды.

Оро жана Боо-Терек айыл аймактарынын учурдагы төрагаларынын Мотуев Бактыбек Калиевичи Мамыралиев Алмазбек Тологонович ичинен шайлоо болуп өттү.

Сессияга бириккен Күмүштак айыл аймагынын 26 депутаты катышты.

Ачык добуш берүүнүн жыйынтыгы менен 14 добуш алып, Мамыралиев Алмазбек Тологонович бириккен Күмүштак айылдык кеңешинин төрагасы болуп шайланды.

Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү