2024-жылдын 21-февралында Ош облусунун Өзгөн районунун жаңыдан түзүлгөн Төрт-Көл айыл аймагынын кеңешинин уюштуруу сессиясы болуп өттү.

Жалпы 27230 адам жашаган Төрт-Көл айыл аймагы Төрт-Көл жана Жылалды айыл аймактарын бириктирүү менен түзүлгөн.

Төрт-Көл айылдык кеңешинде биригүүнүн натыйжасында депутаттардын саны 42 депутатты түздү: Төрт-Көл кеңешинин 21 депутаты, Жылалды кеңешинин 21 депутаты.

Төрт-Көл айыл аймагынын кеңешинин сессиясын жашы боюнча эң улуу  Анарбаева Базаркан депутат ачып, төрагалык кылды.

Төрт-Көл жана Жылалды айыл аймактарынын учурдагы төрагаларынын ичинен Мураталиев Бактыбек Абдикаримович жана Акназаров Маматибраим (баш тартты)  шайлоо болуп өттү.

Сессияга бириккен Төрт-Көл айыл аймагынын 40 депутаттары катышты.

Ачык добуш берүүнүн жыйынтыгы менен 40 добуш алып, бириккен Төрт-Көл айылдык кеңешинин төрагасы болуп Мураталиев Бактыбек Абдикаримович шайланды.

         Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү