2024-жылдын 20-февралында Ош облусунун Араван районунун жаңыдан түзүлгөн Достук айыл аймагынын кеңешинин уюштуруу сессиясы болуп өттү.

Жалпы 32372 адам жашаган Достук айыл аймагы А.Анаров жана Мангыт айыл аймактарын бириктирүү менен түзүлгөн.

Достук айылдык кеңешинде биригүүнүн натыйжасында депутаттардын саны 42 депутатты түздү: А.Анаров кеңешинин 21 депутаты жана Мангыт кеңешинин 21 депутаты.

Достук айыл аймагынын кеңешинин сессиясын жашы боюнча эң улуу Авазханов Пайзилидин депутат ачып, төрагалык кылды.

А.Анаров жана Мангыт айыл аймактарынын учурдагы төрагаларынын ичинен  А.Анаров айылдык кенешинин төрагасы Хамидов Бахтияржон Абдирахимович талапкерлигин алып салды. Мангыт айылдык кенешинин төрагасы  Кудайбердиев Замирбек Курбанбековичке шайлоо болуп өттү.

Сессияга бириккен Достук айыл аймагынын 37 депутаттары катышты.

Ачык добуш берүүнүн жыйынтыгы менен 37 добуш алып, Кудайбердиев Замирбек Курбанбекович бириккен Достук айылдык кеңешинин төрагасы болуп шайланды.

         Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү