2024-жылдын 20-февралында Жалал-Абад облусунун Аксы районунун жаңыдан түзүлгөн Сары-Челек айыл аймагынын кеңешинин уюштуруу сессиясы болуп өттү.

Жалпы 17308 адам жашаган Сары-Челек айыл аймагы Авлетим жана Кызыл-Туу айыл аймактарын бириктирүү менен түзүлгөн.

Сары-Челек айылдык кеңешинде биригүүнүн натыйжасында депутаттардын саны 40 депутатты түздү: Авлетим кеңешинин 19 депутаты жана Кызыл-Туу кеңешинин 21 депутаты.

Сары-Челек айыл аймагынын кеңешинин сессиясын жашы боюнча эң улуу  Акматова Ч.Б депутат ачып, төрагалык кылды.

Авлетим жана Кызыл-Туу айыл аймактарынын учурдагы төрагаларынын ичинен  Абдыраманов Нурмырза Абасович жана Төрөбеков Болотбай Аманбаевич катышуусунда шайлоо болуп өттү.

Сессияга бириккен Сары-Челек айыл аймагынын 35 депутаттары катышты.

Ачык добуш берүүнүн жыйынтыгы менен 22 добуш алып, Төрөбеков Болотбай Аманбаевич  бириккен Сары-Челек айылдык кеңешинин төрагасы болуп шайланды.

 Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү