2024-жылдын 20-февралында Чүй облусунун Москва районунун жаңыдан түзүлгөн Төрт-Гүл айыл аймагынын кеңешинин уюштуруу сессиясы болуп өттү.

Жалпы 16016 адам жашаган Төрт-Гүл айыл аймагы Беш-Терек, Петровка  жана Предтеченка айыл аймактарын бириктирүү менен түзүлгөн.

Төрт-Гүл айылдык кеңешинде биригүүнүн натыйжасында депутаттардын саны 43 депутатты түздү: Беш-Терек  кеңешинин  депутаты 11, Петровка кеңешинин  депутаты 21 жана Предтеченка кеңешинин 11 депутаты.

Төрт-Гүл айыл аймагынын кеңешинин сессиясын жашы боюнча эң улуу Кияшев Шайлобек Керимович депутат ачып, төрагалык кылды.

Беш-Терек, Петровка жана Предтеченка айыл аймактарынын учурдагы төрагаларынын ичинен Молдошов Турсунакун Макенович, Абылдаев Улан Сагынбекович жана Джайлобеков Азат Джайлобекович ортосунда шайлоо болуп өттү.

Сессияга бириккен Төрт-Гүл айыл аймагынын 36 депутаттары катышты.

Ачык добуш берүүнүн жыйынтыгы менен 23 добуш алып, Абылдаев Улан Сагынбекович  бириккен Төрт-Гүл айылдык кеңешинин төрагасы болуп шайланды.

         Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү