2024-жылдын 20-февралында Жалал-Абад облусунун Сузак районунун бириккен Көк-Арт айыл аймагынын кеңешинин уюштуруу сессиясы болуп өттү.

Жалпы 31160 адам жашаган Көк-Арт айыл аймагы Курманбек жана Көк-Арт айыл аймактарын бириктирип, Кара-Алма айыл аймагынын Кара-Алма, Үрүмбаш, Туура-Жангак айылдарын, Как-Көл участогун кошуу менен түзүлгөн.

Көк-Арт айылдык кеңешинде биригүүнүн натыйжасында депутаттардын саны 51 депутатты түздү: Курманбек айылдык кеңешинин 21 депутаты жана Көк-Арт айылдык кеңешинин 21 жана  Кара-Алма айылдык кенешинин 9 депутаты.

Көк-Арт айыл аймагынын кеңешинин сессиясын жашы боюнча эң улуу Малашев Кубанычбек Сатыбалдиевич депутат ачып, төрагалык кылды.

Курманбек жана Көк-Арт айыл аймактарынын учурдагы төрагаларынын ичинен  шайлоо болуп өттү.

Сессияга бириккен Көк-Арт айыл аймагынын 43 депутаттары катталып, 42 депутат добуш берүүгө катышты.

Ачык добуш берүүнүн жыйынтыгы менен 26 добуш алып, Энназаров Азамат  Арзыкулович бириккен Көк-Арт айылдык кеңешинин төрагасы болуп шайланды.

Маалымат үчүн:

2024-жылдын 20-22-февралында аймактарда жаңыдан уюшулган айыл аймактарынын кеңештеринин төрагаларын шайлоо боюнча уюштуруу сессиялары өтүүдө.

Жалпысынан 230 айыл аймагын бириктирүүнүн негизинде түзүлгөн 31160 бириктирилген 117 айыл аймактарынын кеңешинин төрагаларын шайлоо зарыл.

Шайлоолор Кыргыз Республикасынын Президентинин 2024-жылдын 7-февралындагы ПЖ №24 Жарлыгы менен бекитилген “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобо” негизинде өткөрүүлүүдө:

“Айыл аймактарын бириктиргенде, бириккен айыл аймагын түзгөн айыл аймактарынын кеңештеринин ыйгарым укуктары токтотулат.

Жаңыдан түзүлгөн айылдык аймактын кеңеши бирдиктүү айыл аймагын түзгөн айылдык кеңештердин укук улантуучусу болуп калат”.

“Жергиликтүү кеңештердин депутаттары тийиштүү жергиликтүү кеңештердин депутаттары болгон айыл аймагы же калктуу пункту кошулган же кошулган айылдык аймактын же шаардын кеңешинин курамында ишин улантат. Ошол эле учурда алардын ыйгарым укуктары ыйгарым укуктарынын мөөнөтү аяктаганга чейин же мыйзамдык жөнгө салууга чейин сакталат”.

КР БШК маалымат бөлүмү