КР Шайлоо жана референдум ѳткѳрүү боюнча борбордук комиссиясы кыргызстандыктарды Адам укуктарынын жалпы декларациясынын кабыл алынышынын 75 жылдыгы менен куттуктайт.

Урматтуу Кыргыз Республикасынын жарандары!

Кыргыз Республикасынын Шайлоо жана референдум ѳткѳрүү боюнча борбордук комиссиясынын атынан сиздерди Адам укугунун жалпы декларациясынын кабыл алынышынын 75 жылдыгы менен куттуктайбыз.1948-жылы 10-декабрда Бириккен Улуттар Уюму тарабынан кабыл алынган ушул даңазалуу документ адам укуктарынын тарыхындагы эң маанилүү документ болуп саналат.

Адам укуктарынын жалпы декларациясы ар бир адамдын тең укуктуулугунун, акыйкатчылыктын жана кадыр-барктын принциптерин даңазалап турат. Ал жашоо укугун, ѳз мүдѳѳсүн эркин билдирүүнү, дин тутууну, чогулууну жана ассоциацияга биригүүнү, мыйзам алдында бирдей болууну, ошондой эле кыйноого, кулчулукка жана акыйкатсыз камоого тыюу салууну кошуп алганда негизги укуктарды жана эркиндиктерди коргоого чакырат.

Бириккен Улуттар Уюмунун мүчѳсү катары Кыргызстан Адам укуктарынын жалпы декларациясын активдүү колдоо менен биздин республикада аны жүзѳгѳ ашыруу үчүн шарттарды түзүүгѳ умтулууда. Биз ар бир жарандын укуктарын жана эркиндиктерин урматтоонунун маанилүүлүгүн тааныйбыз жана адилет жана тең укуктуу коомду курууну улантуудабыз.

Ушул даңазалуу майрамда КР БШК Кыргыз Республикасынын ар бир жаранын адам укугун коргоого жана ага кѳмѳктѳшүүгѳ активдүү катышууга чакырат. Биргелешкен аракеттер менен биз, анын ичинде бардык деңгээлдеги шайлоо комиссияларынын мүчѳлѳрү, ѳлкѳнүн жарандары үчүн бирдей мүмкүнчүлүк түзүүнү камсыз кылууга умтулабыз. Адам укуктарынын жалпы декларациясы эркиндиктин, тең укуктуулуктун жана ар бир адамдын укугун урматтонун маанисин даңазалай берсин! Сиздерди ушул даңазалуу майрамыңыздар менен куттуктап, биздин кооз ѳлкѳбүздѳ адам укугун бекемдѳѳдѳ андан аркы ийгиликтерди каалайбыз.

Аруу тилек каалоо менен,

Кыргыз Республикасынын Шайлоо жана референдум ѳткѳрүү боюнча борбордук комиссиясы