Шайлоочулардын биротоло тизмеси Кыргыз Республикасынын Санариптик өнүктүрүү министрлигинин (калкты каттоо боюнча ыйгарым укуктуу мамлекеттик орган) маалыматтарынын негизинде түзүлүп, шайлоо участкаларына илинип жана шайлоочулардын «Тизме» мамлекеттик порталына https://tizme.gov.kg/ жайгаштырылды.

Шайлоочулардын биротоло тизмеси участкалык шайлоо комиссияларында 2023-жылдын 5-октябрына чейин илинет.

Кыргыз Республикасынын Президентинин Жарлыгы менен дайындалган бул шайлоодо аралыктан добуш берүү мүмкүнчүлүгү шайлоонун артыкчылыктуу ѳзгѳчѳлүгү болуп саналат.

Биротоло тизмедеги шайлоочулардын саны 6062, анын ичинен 3128 эркектер жана 2934 аялдар же тиешелүүлүгүнө жараша 51,59 пайызы эркектер жана 48,39 пайызы аялдар.

Бишкек шаары боюнча аралыктан добуш берүүгө арыз тапшырган шайлоочулардын саны 110 түздү.