Кыргыз Республикасынын Шайлоо жана референдум ѳткѳрүү боюнча борбордук комиссиясы 2023-жылдын 10-сентябрына дайындалган №26 Ленин бир мандаттуу шайлоо округу боюнча Кыргыз Республикасынын Жогорку Кеңешинин депутатын кайра шайлоодо Кыргыз Республикасынын Жогорку Кеңешине депутаттыкка талапкерлер үчүн Кыргыз Республикасынын улуттук телерадиоберүү корпорациясынын телеканалында акысыз эфир убактысын жана Кыргыз «Кабар» улуттук маалымат агентигинде акысыз басылма аянтчаларын бѳлүштүрүү боюнча чүчүкулак ѳткѳрдү.

Кыргыз Республикасынын Жогорку Кеңешине депутаттыкка талапкерлердин жеке чыгып сүйлѳѳлѳрү 2023-жылдын 22-августунан 25-августун кошуп алган мезгилде кечки убакта Кыргыз Республикасынын улуттук телерадиоберүү корпорациясынын эфиринде өткѳрүлѳ тургандыгын белгилейбиз. Кыргыз Республикасынын Жогорку Кеңешине депутаттыкка талапкерлердин катышуусундагы теледебаттар дагы 2023-жылдын 5-сентябрынан 8-сентябрын кошуп алган мезгилде кечки убакта эфирде ѳткѳрүлѳт.

Кыргыз Республикасынын Жогорку Кеңешине депутаттыкка талапкерлер ѳздѳрүнүн материалдарын Кыргыз «Кабар» улуттук маалымат агентигинде үгүт жүргүзүү мезгилинин бардык күндѳрүндѳ жайгаштырса болот.