Кыргыз Республикасынын Шайлоо жана референдум өткөрүү боюнча борбордук комиссиясы 9-августтагы отурумунда №26 Ленин бир мандаттуу шайлоо округунан Жогорку Кеңешинин депутаттыгына талапкер катары Жамалбек Ырсалиев каттоо жөнүндө маселени карады.

2023-жылдын 3-августунда Ырсалиев Жамалбек Самарбекович тарабынан аны 2023-жылдын 10-сентябрына дайындалган Кыргыз Республикасынын Жогорку Кеңешинин депутатын кайра шайлоодо өзүн-өзү көрсөтүү тартибинде №26 Ленин бир мандаттуу шайлоо округунан Кыргыз Республикасынын Жогорку Кеңешинин депутаттыгына талапкер катары каттоо үчүн документтерди БШКга тапшырган.

Кыргыз Республикасынын Жогорку Кеңешинин депутатын кайра шайлоону өткөрүүдө талапкерлер жана саясий партиялар тарабынан берилген шайлоо документтерин кабыл алуу жана текшерүү боюнча Жумушчу топтун корутундусунун эске алуу менен, БШК Ырсалиев Жамалбек Самарбекович №26 Ленин бир мандаттуу шайлоо округунан Кыргыз Республикасынын Жогорку Кеңешинин депутаттыгына талапкер катары каттоо жөнүндө чечим кабыл алды.