Кыргыз Республикасынын Жогорку Кеңешинин 2023-жылдын 8-июнундагы токтому менен Кыргыз Республикасынын Шайлоо жана референдум ѳткѳрүү боюнча борбордук комиссиясынын мүчѳсүнүн бошогон кызмат ордуна Алтынбек Кубатбеков шайланды.

Кыргыз Республикасынын Шайлоо жана референдум ѳткѳрүү боюнча борбордук комиссиясынын 16-июнундагы жыйынында Алтынбек Кубатбеков КР БШК мүчѳлѳрүнѳ жана аппартынын кызматкерлерине тааныштырылды. Комиссиянын тѳрагасы Н, Шайлдабекова комиссиянын жаңы мүчѳсүнѳ ишинде ийгиликтерди каалады.

Өмүр баяны:

1981-жылдын 4-декабрында Жалал-Абад облусунун Сузак районундагы Бек-Абад айылында туулган.

1998-жылы Жалал-Абад шаарындагы «Себат» кыргыз-түрк лицейин бүтүргѳн. Мектепти аяктагандан кийин, ошол эле жылы милициянын генерал-майору Э.Алиев атындагы КР ИИМ академиясына окууга ѳткѳн. Экинчи жогорку билимди «экономист» кесиптиги боюнча Ж.Баласагын атындагы Кыргыз улуттук университетинде (КМУ) алган.

Эмгек жолу:

1998-2015-жылдары ички иштер органдарында ар түрдүү кызмат орундарын ээлеген, катардагы тергѳѳчүдѳн баштап бѳлүмдүн начальнигине чейинки кызматтарды ѳтѳгѳн.

Аскердик наамы – милициянын полковниги.

2016-жылы КР Жогорку Кеңешинин сунуштамасы боюнча КР судяларын тандоо боюнча Кеңештин курамына шайланган, Кеңештин мүчѳсү катары иштеп турган.

Мамлекеттик жана ведомстволук бир катар сыйлыктарга ээ.

Алардын ичинен: КР Жогорку Кеңешинин Ардак грамотасын, КР ички иштер министрлигинин «Азамат-3 даража» медалын, КР судяларын тандоо боюнча Кеңештин Ардак грамотасын алган.

Жалал-Абад облусундагы Сузак районунун ардактуу жараны.