Кыргыз Республикасынын Шайлоо жанареферендум өткөрүү боюнча борбордук комиссиясы 2023-жылдын 30-мартында 2023-жылдын 9-апрелине дайындалган Нарын, Баткен, Ош, Талас жана Чүй облустарынын айрым жергиликтүү кеңештеринин депутаттарын шайлоодо шайлоочулардын биротоло тизмесиншайлоочулардын “Тизме” - https://tizme.gov.kg/мамлекеттик порталына жарыялады.

2023-жылдын 30-мартына карата абал боюнчаайрым жергиликтүү кеңештердин депутаттарын шайлоодо шайлоочулардын биротоло тизмесиндегишайлоочулардын саны 72009 адамды түзөт, анын ичинде, эркектер – 36233, аялдар – 35776 же тийиштүүлүгүнө жараша 50,31% и 49,69%.

2023-жылдын 9-апрелине дайындалган Нарын, Баткен, Ош, Талас жана Чүй облустарынын айрым жергиликтүү кеңештеринин депутаттарын шайлоого шайлоочулардын биротоло тизмелери Кыргыз Республикасынын Санариптик өнүктүрүү министрлигинин (мындан ары - СӨМ) маалыматтарынын негизинде түзүлүп, Борбордук шайлоо комиссиясы тарабынан шайлоочулардын “Тизме” - https://tizme.gov.kg/ мамлекеттик порталына жайгаштырылды жана шайлоо участокторуна илинди.

Урматтуу шайлоочулар, өзүңүздүн шайлоо участогуңузду (номерин жана дарегин) тактай аласыз:

Муну билүү маанилүү! Жергиликтүү кеңештеринин депутаттарын шайлоодо шайлоочулардын тизмесине айылдык аймактын, шаар аймагынын – жергиликтүү жамааттарынын мүчөлөрү киргизилет.Жергиликтүү жамааттагы мүчөлүк жашаган жерин каттоо жөнүндө жарандынпаспортундагы белги менен аныкталат (Кыргыз Республикасынын “Жергиликтүү кеңештердин депутаттарын шайлоо жөнүндө” мыйзамынын 2-бер., 12-бер.).

Жергиликтүү кеңештеринин депутаттарын шайлоого катышуу үчүн жарандын жашаган жерин каттоо дареги паспортундагы жашаган жеринин көрсөтүлгөн дарегине/чиптеги жазуусуна дал келүүсү керек.

Добуш берүүнү өткөрүү убактысы 2023-жылдын 9-апрелинде саат 08.00дөн 20.00гө чейин.

(Кыргыз Республикасынын жаранынын паспортун милдеттүү түрдө ала барышы керек)

ТАТЫКТУУЛАРДЫ ТАНДОО МЕНЕН ӨНҮГҮҮНҮ ТАНДАЙБЫЗ!

2023-жылдын 30-мартына карата шайлоочулардын саны тууралуу маалымат.

КР БШК аппаратынын маалымат бөлүмү