Жергиликтүү шайлоого катышуу эрежелери тууралуу кабардар болуусун жакшыртуу жана шайлоонун укук маданиятын камсыздоо максатында Кыргыз Республикасынын Шайлоо жана референдум өткөрүү боюнча борбордук комиссиясы 2022-жылдын 9-мартынан 15-мартына чейин талапкерлер жана саясий партиялар үчүн окутуу тренингдерин өткөрөт.

Шайлоо өтө турган шаарлардагы жана айылдардагы талапкерлер, саясий партиялардын өкүлдөрү төмөнкү маселелер боюнча маалымат жана практикалык көндүм алышат:

- шаардык жана айылдык кеңештерде шайлоонун өзгөчөлүктөрү, 16 жергиликтүү кеңеште өтүүчү шайлоого катышуунун мыйзамдык негиздери;

- КР БШКнын маалыматтык ресурстары – «Электрондук талапкер» тутумунда каттоо, шайлоочулардын тизмелеринин порталы, добуш берүүнүн жыйынтыктары тууралуу маалыматтарды көрсөтүү, добуш берүүнүн катышуучуларын эсепке алуу;

- талапкерлерди көрсөтүү жана каттоо тартиби;

- шайлоо алдында үгүт жүргүзүү эрежелери;

- шайлоо талаш-тартыштары: аларды кароо жана чечүү тартиби;

- шайлоо өнөктүктөрүн каржылоо, талапкерлердин, саясий партиялардын шайлоо фонддорун түзүү эрежелери;

- КР шайлоо мыйзамдарын бузгандык үчүн жоопкерчилик.

КР БШК аппаратынын маалымат бөлүмү